Abala sina Karen, Maggy, at Xandrie nang araw na iyon. Marami kasi silang client kaya kani-kaniya muna silang tatlo. Kaya naman pare-pareho silang napalingon sa pintuan ng kanilang opisina, nang biglang may magsalita. Nanlaki ang mga mata niya, at nagpapalit-palit nang tingin sa mga ito. Tila kapwa nagulat din sina Xandrie, at Maggy sa ‘di inaasahang buwisita ng mga ito.
“Good Morning ladies!” nakangiting bati ni Brix sa kanila, ngunit ang mga mata’y nakatutok lamang kay Xandrie.
‘Hmmm, guwapo naman pala sa personal,’ lihim siyang napangiti, habang pinagmamasdan ang binata.
Hinihimas pa niya ang kaniyang baba, habang matamang nakatingin kay Brix. Sa palagay niya ay may lahing intsik ang binata base sa physical appearance nito. Iyon nga lang matangkad si Brix, kumpara sa usual height
