Kinabukasan maagang naggayak si Ian paalis sa kanilang bahay. Balak niyang balikan ang lugar kung saan niya nakita si Karen. Gusto niyang makasiguro kung si Karen nga ba talaga iyong nakita niya kagabi.
“Oh, kuya, ang aga yata natin ngayon ah!” bari ni Manelle sa kaniya na nakaupo sa sofa, sa kanilang sala.
“Oo bunso. May kailangan kasi akong asikasuhin eh,” nakangiting sagot naman niya rito, sabay kindat sa kapatid.
“Nang ganito kaaga?” nagdududa pang tanong ng kaniyang kapatid.
“Yes ma’am! Huwag ka na ngang mausisa pa diyan. Aalis na ako,” paalam na niya rito saka hinalikan ito sa noo. Paalis na sana siya nang may magsalita mula sa pintuan ng kusina.
“Oh Macky, bakit ang aga mo ngayon?” tanong ng kaniyang ina.
Kalalabas lang nito mula sa kusina base sa suot nitong apron. Kahit may
