FROM the last time I saw her, she obviously didn’t change. Gano’n pa rin ang awra niya, sopistikada pero strikta. Kumikinang pa rin ang mga alahas sa kanyang palapulsuhan, sa kanyang leeg at tainga. Matatakot ang lamok na dumapo sa kanyang balat.
Kaunti pa lang ang tao sa restaurant dahil halos kabubukas lang ng mall. Kahit hindi gano’n kalaki ang branch namin dito ay alam kong hinid basta-bastang mga customer ang nagagawi rito. Pero hindi ko inaasahan na sa unang sabak ko pa lang ay siya agad ang makikita ko.
Hindi ko mabilang kung ilang beses akong huminga nang malalim habang papalapit ako sa kanyang puwesto. Pakiramdam ko ay namamawis ang aking mga kamay.
I flashed a smile as soon as I reached her table. “Good morning, Ma’am.”
Nag-angat siya ng tingin, ngunit wala man lang bakas n
