“Anong tinitingin-tingin mo dyan?” saad niya.
“Matagal ka pa ba?”
“Saglit na lang ‘to. Ayoko kasi ng nakakakita ng dumi o kalat.”
“Inaantok na ako,” nilayasan ko siya at nagtungo ako sa sala. Nagbukas ako ng tv saka nahiga sa kanyang sofa.
Ilang minuto pa ay ‘di ko na namalayang napapikit na ako at hinihila na ng antok ang aking diwa. Marahil ay sa pagod sa biyahe. Nagising lang ako ng maramdaman ko ang marahang halik niya sa aking labi. Napangiti ako at idinilat ang aking mga mata. Nakita kong nasa harap ko ang lalaking mahal ko na napaka-gwapo at nakatitig sa akin.
“Si Sleeping Beauty ba ako?”
Hinsi siya sumagot at bigla na lang siyang tumabi sa akin sa sofa. Nakaunan ako sa braso niya at magkadikit ang aming mga katawan dahil sa kitid ng aming hinihigaan. Marahang halik sa labi an
