CHAPTER 26
“Sige, sabihin na natin na panaginip lang ang lahat pero paano mo sa akin ipaliliwanag ang mga namumulang ito sa leeg ko at mga sugat sa braso ko. Paano nangyaring may mga markang ito sa panaginip lang, Lucas?”
Tumingin siya sa akin. Lumapit siya at hinawakan niya ang balikat ko.
“Ava, makinig ka sa akin ha? Walang gumawa niyan sa’yo na iba. Wala sa’yong bumigti o nanugat sa mga braso mo. Maniwala ka sa akin. Naabutan kita kaninang ikaw mismo ang sumasakal sa sarili mo. Ikaw rin ang nangalmot sa mga braso mo. Walang ibang kaluluwa rito Ava. Maniwala ka sa akin. Wala akong nakitang gumawa niyan sa’yo kundi ikaw rin lang.
Kumunot ang noo ko. Nagsalubong ang kilay ko. Hindi ako naniniwala sa kanya. Tinanggal ko ang kamay niyang nakapatong sa aking balikat. Umupo ako sa gilid
