CHAPTER 25
“Hindi Isabella ang pangalan ko. Hindi ako ang sinasabi mong si Isabella,” sagot kong puno ng pagtataka.
“Ikaw si Isabella. Hindi mo sa akin pwedeng itanggi. Bakit ngayon mo lang ako binalikan, mahal ko.”
“Mahal ko? Bakit mo ako tinawag na mahal ko? Sino ba kayo?”
“Ako ito, Isabella. Ang lalaking nagmamahal sa’yo ng walang hanggan. Ang lalaking kahit kailan hindi ka iiwan. Ang pinangakuan mong mamahalin habang-buhay.”
“Hindi ko ho kayo naiintindihan?”
“Maiintindihan mo lang ako kung mahanap mo at maisusuot mo nang muli ang singsing mahal ko. Iyon lang ang tanging paraan para bumalik tayo sa isa’t isa. Iyon lang ang makabubuo uli sa ating dalawa. Kailangan mong mahanap na ang singsing sa madaling panahon.”
Hanggang sa bigla na lang may nagpakita sa likod niyang isang babae
