CHAPTER 18
Dahil gusto ko pang makilala ng husto si Lucas kaya tinanong ko siya tungkol sa kanyang nakaraan at pagkakakilanlan. Nakita kong nalungkot siya ngunit mabilis na gumuhit ang ngiti sa kanyang labi. Parang may kung ano siyang itinatagong damdamin na hindi ko mawari. Hanggang sa sinagot niya rin ang tanong ko kung bakit pumayag ang kanyang mga magulang na magkasambahay ang ate niya.
"Mahirap ang aming buhay, kailangan naming kumayod sa murang edad para lang mabuhay." Naramdaman ko ang lungkot at naaninag ko ang luha sa gilid ng kanyang mga mata na hindi niya pinapakawalan. Mabilis siyang yumuko at itinago ang nakita ko kong kislap sa gilid ng kanyang mga mata na natatamaan ng apoy.
“Okey lang bang pag-usapan natin? Baka kasi…”
“Hindi. Ayos lang,” garalgal ang kanyang boses.
“
