CHAPTER 48
Tulad ng gusto niyang mangyari, nanatili lang ako sa tabi niya. Nang humiga siya ay tumabi ako sa kanya. Pinaunan niya ako sa kanyang bisig at nakapatong ang aking braso sa malaman at maumbok niyang dibdib. Gusto kong mannatili kami sa ganoon. Gusto kong hanggang sa aming pagtanda siya ang katabi ko sa pagtulog hanggang sa aking paggising kinabukasan. Alam kong darating ang araw na ikakasal kami at bubuo ng pamilya pero bago ko iisipin iyon, gusto kong magiging kampante ako at walang iniisip na kahit anong kapahamakan kagaya ngayon. Tahimik lang kaming dalawa. Ako’y titig na titig sa kanyang napakagwapong mukha habang siya ay nakatitig lang sa kisame. Halatang malalim ang kaniyang iniisip. Paminsan-minsan, naririnig ko ang pagbunot niya ng malalalim na hininga.
“Huwag na huwa
