CHE-CHE'S POV
Nakitang kong bumaba si Jayson at papunta siya sa puwesto ko ngayon. Kahit na nahihirapan akong humakbang ay nagpatuloy ako. Kung wala lang akong nararamdaman ay sarap niyang itulak pababa.
"Bitawan mo nga ako!" Sigaw ko sa kanya dahil hinawakan niya ako sa kamay.
"Bakit ka ba nagagalit? Kanina ka pa," tanong niya sa akin na halatang naiinis na.
"Gusto ko ng umuwi. Please lang 'wag mo na akong paglaruan pa. Kung gusto mo magsaya kasama ang ibang babae ay bahala ka. Hayaan mo lang akong umuwi." Parang naiiyak na sabi ko sa kanya.
"Ano bang sinasabi mo?"
Hindi ako sumagot at patuloy lang ako sa pag-akyat.
"Haist! Ang tigas talaga ng ulo mo." Naiinis na sabi niya at binuhat niya ako na para bang sako ng bigas.
"Ibaba mo nga ako! Bwisit ka!" Naiinis na sigaw ko sa kanya
