MALABO na ang tingin ko sa kalsada habang nagda-drive ako papunta sa condo ni Jessica. Wala akong ibang puwedeng puntahan kung hindi siya lang.
“Hayop talaga siya!”
Biglang may tumawid na matanda sa kalsada. Mabuti na lang at mabilis akong nakapag-preno.
“s**t!”
Nakita ko rin ang takot sa mukha ng matanda na tumawid. Binuksan ko ang bintana ng kotse.
“Okay lang po kayo?”
Tumango siya. “Salamat at hindi mo ako binangga.”
Kumuha ako ng tatlong libo at binigay ko sa kanya. “Magpa-check up kayo sa doktor. Hindi ko na kayo masasamahan dahil may importante akong gagawin.”
Tinanggap niya ang pera. “Hindi mo naman kailangan magbigay ng pera, ngunit tatanggapin ko pa rin dahil kailangan ko. Maraming salamat.”
Tumango ako at sinara ko ang bintana.
“Relax ka lang, Self,” bulong ko.
Muntik
