ANIKA POINT OF VIEW
"Bakit na nga kami nasa hotel?" Hindi ko matandaan kung ano ang nangyari. Napakasakit ng ulo ko na para bang mabibiyak na 'to samantalang itong si Ri ay mukhang masarap pa ang tulog.
Napatitig lang ako sa kesame ng kwarto. Lagi kong inaalala ang itsura ni Nathalie. Ayokong gumising na isang araw ay hindi ko na siya natatandaan.
Gusto kong hawakan ulit 'yung maliliit niyang kamay, panggigilan ang mapupula niyang pisngi at ipusod ang kanyang buhok ng kung ano-anong style. Nami-miss ko na ang anak ko pero hindi ko alam kung paano ko makakabalik!
"Ri?" Nakatalukbong lang siya at mukhang naghihilik pa. Teka?! Tinabihan niya ba ko?! "Ibang klase talaga," usal ko sabay hila sa kumot na kanina niya pa sino-solo.
Inis ko siya sanang sisipain kaso lang . . . kaso lang . . .
