RICO POINT OF VIEW
"'Wag kang maingay," reklamo niya na naman.
"Hindi naman ako nag-iingay," reklamo kong pabalik. Nilakihan niya ko ng mga mata at saka nagmostrang tumahimik daw ako.
Napairap na lang ako at pati pagbuntong hininga ko ay hinarap niya at binawal.
"Kapag nahuli ka ni Papa na nandito ulit. Yari tayong dalawa."
"Opo na po."
Muli niya kong hinila paupo sa isang gilid. Kinakareer niya yata talaga ang pagiging si James bond. Nag-aala-spy ngayon na hindi naman na kailangan. Pwede niya naman kasi kaming gawing invisible, tapos nagpapakahirap pa.
"Kaya ko sa sarili ko. Paano ka?"
"Binabasa mo ang nasa isip ko?"
"Bakit may reklamo ka?" Tinaasan niya ko ng kilay. "Ikaw nga dati lagi mong binabasa ang nasa isip ko."
"Hintayin mong bumalik ang magic ko," banta kong bulong.
