ANIKA POINT OF VIEW
"Alam mo, Ace. Sa tingin ko hindi naman na kailangan 'to," alangan kong sabi habang nakatitig sa salamin.
Nasa likuran ko siya ngayon at tinitignan ang repleksyon naming dalawa sa harapan ng salamin. Ayaw niyang magpatalo kay Rico. Talagang hinila niya pa ko dito sa mall para lang bumili ng damit na isusuot para mamayang dinner.
"Parang hindi bagay sa'yo 'yan," dismayado niyang bulong sabay atras. Muli niya kong pinagmasdan at tila ba nakatuon ang isip sa pamimili. "Hindi talaga." Umiling na siya.
"Eh, kung 'yon kaya." Turo ko sa tipo kong dress. Hanggang paa ang haba pero kita ang hubog ng katawan. "Mas nagagandahan ko 'to."
"'Wag 'yan masyadong mahaba. Magmumukha ka lang manang do'n. Ah, eto!" Biglang kuha niya sa isang maiksing dress. "Isukat mo ulit."
"Okay."
