RICO POINT OF VIEW
"Aalis ka naba?"
Napatingin ako kay Anika na nakangiting lumalapit ngayon. Ang ganda niyang tingnan sa ginawang mataas na pony ni Therese sa kanya. Ibang-iba ang ayos niya kumpara sa Anika ko.
"Sanay na kong hindi mo ko kinakausap," dugtong niya at mahinhin akong tinawanan.
Gusto ko naman talaga siyang kausapin. Gustong-gusto ko nga siyang halikan ngayon, e. Tapos ipapakita ko 'yon kay Ace.
"Hinabol kita kasi may gusto kong ibigay sa'yo."
Ano naman 'yon?
Lalo akong napatitig sa kanya na may kung anong kinukuha sa maliit niyang bag. Nakatikom ang kamay niya na iniharap sa akin. Ayoko niyang ibibigay niya. Ang gusto ko ay hilahin siyang payakap dito sa pwesto ko at halikan siya nang madiin.
Hamak gwapo ko naman kay Ace para palitan niya lang ako nang gano'n-gano
