WALANG nagawa si Liam kundi bilhin ang pinag-uutos ng kanyang driver, ayaw niya sana dahil ngayon niya lang gagawing bumili ng sanitary napkin pero kailangang-kailangan ng kanyang driver. Akalain ba namang magkaroon ito ng period sa kasagsagan ng date nito sa kaibigan.
Mabilis ang mga paang tinungo ang department store upang bumili ng damit na pinapabili nito. Maraming sales lady ang napapatingin sa kanya lalo at tila sinusundan ang bawat galaw niya. Nahihiya tuloy dumampot ng damit pambabae dahil baka isipin ng mga itong may asawa na siya.
Nakailang ikot na siya sa department store ngunit tila walang balak siyang lubayan ng mga ito at naisip ang mukha ng kanyang driver na naiinip na sa kahihintay sa kanya.
"Sir, ano po ang hanap natin?" tanong na ng sales lady na naglakas-loob na lap
