Huminga siya ng malalim bago magsalita at salubungin ang titig nito.
"Bakit, masama na ba matulala? Ah, may iniisip lang ako kaya napapatulala ako!" nakasimangot na sagot niya rito.
Kita naman niya ang pagngisi ng binata.
"Siguro ako ang iniisip mo, 'no?" saad pa nito habang may ngiti sa labi.
Napalabi naman siya sa tinuran ng binata.
"Hoy, wag kang feeling, 'no? Saka sino ka para isipin ko?" nakataas kilay na turan niya rito.
Lalo namang ngumisi ang binata sa sinabi niya.
"Ako?" turo pa nito sa sarili.
"Tinatanong mo kung sino ako? Ako lang naman ang future husband mo," nakangisi turan nito na kinalaglag ng kaniyang panga.
"What!" tila nabingi rin siya sa sinabi ng binata sa kanya.
"Hoy, lalaki, naka-drug ka ba? At kung anu-ano ang pumapasok sa utak mo?" sabi pa niya sa lalaki s
