Hindi mapigilan ni Cassandra ang lumuha, “Grabe, bakit ba ako umiiyak ng ganito?" tanong niya sa kanyang sarili habang pinapahiran niya ang gilid ng mga mata at ilong dahil tumutulo na ang kaniyang sipon.
"Ate, ate---" naririnig niyang tawag ni Jenna mula sa labas ng kusina nitong karinderya.
"Bakit?" sagot niya sa kapatid habang patuloy na pinapahiran ang mga mata.
"Ate, may bisita ka," sabi ng kapatid na lumapit ito sa pwesto niya.
"Sino?" tanong muli niya at humarap rito.
"Oh, bakit ganyan mukha mo, umiiyak ka ba?" nakakunot ang noo tanong nito.
"Oo!" walang alinlangan na sagot niya.
"Bakit? Naguguluhan," tanong ng kapatid niya habang nakatingin sa kaniya.
"Aba, sino ba naman ang hindi iiyak kung isang katimpra ang hinihiwa ko, sibuyas!" sambit niya sa kapatid at gumilid siya pa
