Dumating si Usui na lulan ng taxi. Minabuti na niyang mag-taxi nalang dahil delikado kung isasakay niya si Akane sa motor.
Agad niyang inakay ang lasing na si Akane at dinala sa loob ng taxi. Umupo naman si Emi sa harapan habang tinabihan naman ng binata si Akane upang may maisandalan ang ulo ng dalaga.
Hindi makatingin si Emi sa kanyang likuran dahil maninikip ang dibdib nito sa tuwing iisiping magkasama ang kanyang kaibigan at ang lalaking pinaka mamahal niya.
Mahal niya si Usui pero mas mahal niya si Akane. Mas pinahahalagahan nito ang pagkakaibigan nila kaya pilit nitong isinasantabi ang pagmamahal niya kay Usui.
Mabilis lamang ang naging byahe nila dahil wala ng mga sasakyan sa daan. Alalang-alala ang mama ni Akane na naghihintay sa tapat ng bahay nila.
Gulat ang ginang nang mak
