Tumayo siya mula sa kinauupuan at nagmamadaling bumalik sa loob ng silid. Titiisin niya ang pansamantalang kalungkutan na wala sa tabi si Jaxon. Kailangan niyang masanay sa ganoong set-up upang hindi siya mahirapang mag-adjust. Isinara niyang mabuti ang pinto at nagtuloy-tuloy sa kama. Doon ay ibinaon ang mukha sa unan. Naalala niyang muli ang asawa dahil sa amoy ng pabango na naiwan nito sa loob ng silid. Kailangan niyang maghintay na tawagin ng staff kung saan pwede siyang bumaba na hindi siya kasama ng asawa. Ipinikit niya ng mariin ang mga mata upang panandaliang maalala ang nakangiting mukha nito.
“Bakit ba nami-miss kita agad?”sabi niya sa sarili.
“I miss you too.”halos pabulong na sabi ng pamilyar na boses. Ang dalawang kamay nito ay pumalibot sa kanyang baywang. Masuyo siya niton
