"Masarap ito." Napatitig ako sa hiniwang steak na inilagay sa plato ko.
"S-alamat." Tipid na ani ko sa lalaki. Nasa tabi nito ang asawa, pero ako ang binigyan nang hiniwang karne. Nang pasimpleng sulyapan ko si Meridette ay busy naman ito sa paghiwa ng steak n'ya. Saka n'ya nilagyan ang plato ni Timothy.
"Love, kain ka ng marami."
"Thanks, love!" tugon naman ng lalaki. Napakalaki kong third wheel sa dalawa. Tapos ang dating, para pa akong umeeksena.
"Mamayang gabi ang party ni Timothy, pero dahil maaga pa'y may plano ka bang gawin, Clau?"
Sinulyapan ko si Meridette. Marahan ko ring hinihiwa ang steak ko habang nakatingin sa kakambal.
"Plano ko sanang mamasyal mag-isa." Pahiwatig na iyon para hindi nila ako imbitahan pa sa ibang plano nila.
"Ayaw mo ba kaming isabit sa lakad m
