Danica
Umabot na ng thirty minutes ang pagtakbo ko dito sa treadmill. Naliligo na ako ngayon sa pawis kahit malamig naman dito sa loob ng gym. Naka-sapatos na rin ang mga paa ko ngayon. Binigyan ako kanina ni Dave ng dalawang pares para raw hindi masaktan ang mga paa ko.
Ang bongga pa ng shoes ko. Bagong-bago at mukhang mamahalin.
Ngayon ay abala naman siya sa pagbubuhat ng napakalaking barbell sa likuran ko. Naaaninag ko ang repleksyon niya sa salamin. Nakahiga siya sa isang parang flat utility bench at doon siya nagbubuhat. Hindi ba siya natatakot na baka mabitawan niya ang barbell na 'yon at bumagsak sa mukha niya?
Naisipan ko nang ihinto ang pagtakbo ko. Eksaktong forty minutes. Okay na siguro ito. Pagod na ako at naliligo na talaga ako ngayon sa pawis. Akala ko pa naman ay nakakal
