Danica
Matapos kong maghugas ng mga plato ay minabuti ko na ring maglinis ng buong bahay. Nagwalis ako ng sahig at nag-mop kahit hindi naman talaga madumi ang sahig. Para lang mas kumintab pa ito.
Nagtanggal na rin ako ng mga agiw at mga alikabok sa mga upuan, mesa, cabinet, at kung saan-saan pa. May bar din pala siya sa ilalim ng hagdan na ngayon ko lang napansin. Puno ito ng iba't ibang klase ng alak. Mga hindi ko kilala. Mukhang mamahalin ang mga ito. May maliit na ref din dito na puro beer naman ang laman.
Maglalasing pala siya...
Nilinis ko na rin ang buong banyo dito sa baba. Nagkaroon din ako ng chance na maikot ang buong bahay.
Nakarating ako sa likurang bahagi nito kung saan nagpatulala sa akin. Bumungad sa akin ang isang pahabang swimming pool. Ito 'yong naikwento sa akin
