Rowan's P.O.V
Nakapikit ang mata ko sa mga sandaling ito pero nanatiling alerto ang aking isip at pandinig.
Muntikan na ako kanina sa mga Hellions. Kung 'di agad ako nakapag-iwas at pinagana ang utak ko para makalusot sa kanila malamang patay na ako ngayon. Pero nahagip naman nung isa ang aking braso kaya nagkaroon ako ng sugat na aabot sa laki ng palad. Masakit man at subrang kirot ay tiniis ko na lamang 'yon dahil walang mas sasakit at kikirot pa sa nalamang patay na ang aking nag-iisang kapatid.
Hindi ko rin inaasahan na pupunitin ni Cauli ang laylayan ng kanyang bestida para lang sa dumudugong sugat ko. Gumapang ang 'di ko maintindihan na emosyon sa katauhan ko pero agad ko ring iniwaksi. Ang ginawa ko na lamang ay ipikit ang mata ko para tuluyang iwasan ang maamo niyang mukha. Nag
