Palabas na sa simbahan ang pito at pabalik na sa van. Marami ang tao sa simbahan nang dumating sila buti at may nahanap silang upuan.
“Diretso na ba tayo sa Quitiunan?” tanong ni Salem nang makapasok sa van. Agad na in-on ni Markus ang aircon dahil sobrang init.
Sumulyap ang binata sa rear view mirror bago minanibela ang kotse paalis sa parking lot.
“Kayo? Kung wala na kayong bibilhin didiretso na tayo,” sagot nito.
“Wala na siguro. Dumiretso na tayo para masulit natin ang oras. Maganda pa naman ang panahon ngayon at sana hindi umulan,” sambit ni Juan habang nakatitig sa labas ng bintana.
“Okay.”
---
Quitiunan, Camalig, Albay
“Papataas pala papunta dito,” komento ni Salem.
“Yup! Makikita mo pagkarating natin sa lugar ang Mayon. Sobrang ganda talaga doon. Ang alam ko fifty pesos na
