“Ano’ng problema?” tanong ni Mark nang mapansin ang pagiging tahimik ng pinsan sa back seat.
“Salem?”
Nagbalik ulirat si Salem nang marinig ang pangalan. Tumingin siya sa unahan at nagtaas ng dalawang kilay.
“Bakit?”
“Mukhang ang lalim ng iniisip mo, ah. Kanina ka pa namin tinatawag.”
Huh? Lumilipad kasi ang utak niya, eh. Kahit sa totoo ay dahil sa isang lalaki na sanhi ng pagiging lutang ng isip niya. Ang suplado! Grabe! Ito ang kauna-unahang lalaki na tinrato siya ng ganito. Hindi naman sa pagmamayabang pero maganda siya. Posible kayang hindi tumalab ang ganda niya sa lalaking iyon o immune na ito? O talaga lang wala itong pake?
“Pansin ko lang naging ganyan siya simula nang bumaba si Noah,” nakangising tugon ni Markus at sumilip sa rear view mirror. Nakita niya ang pag-ikot ng m
