Raymond's POV
Maaga akong nagising, nagpaalam na din ako sa aking mga kaibigan na may aasikasuhin akong bagong proyekto kaya ilang araw akong mawawala. Ngayon sisimulan ang resort namin ni palaka kaya mananatili muna ako dito ng ilang araw.
Hindi mawala sa isip ko ang mga nangyari kagabi, lasing man ako ay malinaw na malinaw sa akin ang lahat.
Napadaan ako sa pintuan ng silid niya, napahinto ako saglit at huminga ako ng malalim at pagkatapos ay nagtuloy na ako sa pagbaba sa ibaba.
Inabutan ko na si manang na nagluluto ng agahan, sinabihan ko kasi sila ng anak niya kahapon na sila na muna ang mag asikaso sa pagluluto ng agahan namin dito. May anak itong dalaga, tauhan talaga namin sila na taga dito sa Batangas kaya sila ang napili ko na mangasiwa sa bagong bili kong rest house na ito d
