Naghintay siya pero hindi ito minsan man tumawag. Dalawang bakasyon din itong hindi umuwi ng Santa Catalina. Sinubukan niyang tawagan ito pero mukhang nag-iba na ito ng cellphone number.
Was it because of what she said before he left? Mali bang sabihin dito ang nilalaman ng damdamin niya?
“Anemone, magpapa-enroll ka ba ngayon?” tanong ni Luther, sakay ng bago nitong Toyota Vios. Plano niyang lakarin lang sana ang patungong Santa Catalina College (SCC).
“Oo. Ikaw din ba?
“Oo. Sakay na.”
Hindi na siya tumanggi. Alam naman niyang hindi rin siya titigilan ni Luther hanggang hindi siya sumasakay sa kotse nito.
“Pangalawang taon mo na sa kolehiyo! Time flies so fast, Ane. Parang kahapon lang ay sinasamahan pa kitang magpa-enroll para sa unang taon mo sa college,” anito kahit nakatutok
