MATAPOS KONG MAG-SHOWER kanina nang mabilis ay minasahe ako ni Maya. Walang heater ang shower nila at nang lumagaslas ang tubig ay muntik na akong mapasigaw sa gulat. Medyo malamig ito pero pasasaan ba at masasanay rin ako. Kagigising ko lang ngayon at papadilim na. Anong oras na ba?
Nang i-check ko ang oras sa cellphone ay malapit na palang mag-alas-sais y media ng gabi. Iinit-inat akong bumangon at naupo sa kama. Napasarap ang tulog ko at mahusay magmasahe si Maya. If only she could do it full time. Kakausapin ko nga siya at mukhang magandang negosyong iyon. Ang tanong eh kung gusto niya. Mahirap kasi pagsabayin ang full time job niya sa clinic at may pinapatakbong spa araw araw. Pag-uusapan namin ito sa isang araw.
Hindi na ako nag-abalang suklayin ang buhok ko. It was wavy kaya hind
