MYSTY’S POV
Nagising ako sa sinag ng araw at minulat ko ang mga mata ko. Tinignan ko ang paligid at saka napatingin sa bintana. Bumangon ako at saka ako tinignan ang mga ibon na nagsisiliparan. Habang nasa veranda’y nakarinig ako ng pagbukas at sara ng pinto. Nilingon ko kung sino ‘yon at nangunot ang noo ko ng makita ang taong ngayon ko lang din nakita.
“Good morning,” bati nito ng nakangiti.
Napantingin ako sa paligid ko at walang ibang tao kung hindi ako at sya lang. Ako ba ang binati nya o ang ibon at puno sa likuran ko? Takang tanong ko sa sarili ko. Tumingin ako sa buong k’warto at napaisip ako kung akin ba ito o sa kanya. E, ano bang ginagawa ko dito?
“S-sino ka?” nauutal na tanong ko.
Ngumiti sya sa ‘kin at saka sya lumapit at napasuksok naman ako sa may du
