MYSTY’S POV
***Flash Back***
Nang maramdaman ko ang bigat ng katawan ko’y nakarinig ako ng pag-inda. Kasabay no’n ay sinubukan kong imulat ang mata ko. Binuhat ako ng isang lalake at saka ako nito dinala sa kung saan. Narinig ko ang boses nya.
“Prinsesa Mysty! Gising! Hindi ka p’wedeng matulog dahil nasa panganib pa ang Mystica. Kung mawawala ka na naman. Mababalewala ang lahat lalo na nang bumalik ka,” sabi nito habang tumatalon sa mga sanga ng puno.
Si Dark pala ang taong nagligtas sa ‘kin. Muntik ko na namang makalimutan na guardian ko si Dark. Napangiti ako dahil nagawa nya akong puntahan. Kailangan kong manatiling gising at kailangan kong magpakatatag. Hindi ko alam kung anong maaring mangyare sa oras na natuluyan na naman ako ni Primo. Babalik at babalik sa umpisa ang lahat.
