JENNIE
Lumabas ang matinding galit na kinimkim ko ngayong kaharap ko na ang babaeng sumira sa buhay ko nang ipagbili niya ako sa sindikato at naging dahilan para mawala ang anak ko, pati na rin ang mga inosenteng madre na kasama ni Baby Jay sa kumbento.
Hindi inaasahan ni Lina ang mabilis na galaw ng kamay ko. Tumama ang kamao ko sa batok niya, kaya siya nahilo at bumagsak sa sahig.
Pinunit ko ang damit na suot niya at mabilis na tinalian si Lina sa kamay at paa. Wala akong sinayang na oras. Tiningnan ko, kung may kasama siya dito sa apartment at nakita ko ang lalaking mahimbing na natutulog sa ibabaw ng maliit na kama.
"Tayo!"
Nagulat ang lalaking kasama ni Lina nang hampasin ko siya ng baril sa mukha. Napabalikwas ito ng bangon at pupungas-pungas na napatingin sa akin, habang umaa
