JENNIE
Nasa pagkain ang atensyon ko at kaunti lang ang bawat salitang binitiwan ko sa hapag. Tanging tipid na ngiti ang sukli ko, sa tuwing kakausapain ako ni Nana at magtatanong siya ng kung anu-ano sa akin.
Sinabi niyang huwag daw akong mahiya sa kanya, maging sa iba pa naming kasama dito sa bahay dahil mabait silang lahat.
Nauna na akong umakyat dito sa silid. Sinadya kong bilisan ang pagkain ko, dahil ayaw kong may ibang nagtatanong sa akin tungkol sa kahit anong impormasyon na may kinalaman sa pamilya ko.
Ang cellphone ko ang una kong hinanap nang makapasok ako dito sa silid. Gusto ko kasing makita, kung sumagot na ba sa text message ko si Boss Alexander.
Biglang bumilis ang tîbok ng puso ko ng makita kong may natanggap akong reply sa text message ko kanina. Mabilis na binuksan
