Kinabukasan, mas maaga na akong nagising kaya naman nakapagluto na ako ng babaunin na lunch ng aking father-in-law at mga cupcakes na dadalhin niya sa office. Kasalukuyan kong binibihisan si Harith dahil lalabas kami para bumili ng ingredients. Marami akong orders na gagawin kaya sigurado ako na kukulangin ako. Hindi ako makapaniwala sa nangyayari ngayon kasi kahapon lang ako namigay ng samples tapos may mga orders ako kaagad. Lahat ng mga sinabi ni Angela ay kabaliktaran na ng nangyayari at sana matuloy-tuloy ang pagkakaroon ko ng maraming customers.
“Lalabas na naman tayo, baby. Handa ka na ba na samahan si Mama sa pamimili ng groceries? Magpakabait ka, ha, sana huwag kang mainis pag matagalan tayo.” sabi ko sa aking anak at hinalikan ang kanyang noo. “Pero napansin ko na parang gusto
