KINAGABIHAN ay sinadya ni Cold na kausapin si Rita sa may garden kung saan ito madalas na tumambay. Kailangan niyang humingi ng sorry sa dalaga dahil sa ginawa niya kanina.
Na-realize niya na mali ang naging aksyon niya para lamang magantihan ang dalaga. Gusto lamang niyang pagselosin si Rita at mukhang umubra naman iyon kaso nga lamang ay hindi naging maganda ang nangyari.
"Narinig kita kanina na kausap si Manang Thelma, uuwi na ba tayo ng Victoria bukas? P'wede ko bang puntahan ang Lola Conching ko sa Tarlac?" sunod-sunod na tanong ni Rita sa kaniya nang makalapit siya.
"Oo, pero iiwan na kita sa Victoria. Naroon na ang Lola Conching mo sa bahay mo Rita. Alam ko naman noong una pa lang na hindi mo na gustong tumira sa hacienda dahil sinasabi mo sa akin na gusto mong mag-bake na lang
