Kinaumagahan kahit medyo puyat ako ay maaga pa rin akong gumising dahil may pasok. Humihikap pa ako nang magtungo ako sa kusina para magkape nang magising man lang ang katawang lupa ko.
Nakahinga ako nang maluwag nang hindi ko makita si Inay.
"Asan si Inay?" tanong ko kay Mikael na siyang nadatnan ko sa kusina na kumakain ng almusal.
"Maagang nagtungo sa palengke," simpleng sagot nito.
Nagtimpla ako ng kape at umupo sa katapat. Pinakatitigan ko ito habang umiinom ako ng mainit na kape.
"Saan ka nagpunta kagabi?" tanong ko dito dahilan para magtaas ito ng tingin.
Kumunot ang noo nito na para bang hindi alam ang sinasabi ko. "Hindi ko alam ang sinasabi mo. Maaga akong natulog kagabi, ate," tanggi nito at nagpatuloy sa pagkain.
"Ilang beses na kitang nakikitang lumalabas ng gabi. Huwag
