Agad na rin akong umuwi nang makita kong nakaalis na ang kaibigan ni Delgado.
Hindi man ako makapaniwala sa nakita ko pero wala naman akong magagawa. Hindi ko naman pwedeng sabihin sa kaniya dahil wala naman akong ebidensya baka isipin pa nila sinisiraan ko sila kaya pinilit ko na lang balewalain ang nakita ko. Wala namang lihim na hindi nabubunyag, sana lang malaman na niya na niloloko siya ng asawa n'ya.
"Magandang hapon po, ma'am," bati sa akin ni Mang Andoy nang pagbuksan niya ako ng gate.
"Good afternoon din po," ganting bati ko sa kaniya bago pumasok sa loob ng bahay.
Naabutan ko si Aling Pacing na nasa kusina. "Ma'am, dito po ba kayo maghahapunan para maipagluto po kayo ng paborito ninyong paksiw na bangus. Tamang-tama may nabili ako kaninang umagang sariwang."
"Hindi na po, aa
