Gumawa nang malakas na ingay ang pag-angat ko sa high stool para makaupo dito. Sa salon ni Pola ako dumiretso. Mabuti na lang at wala nang customer dahil nagdidilim na.
"Anong problema? Bakit parang papatay ang hitsura mo?" nagtatakang tanong ni Pola sa akin nang lumapit ito.
"Gaya pa rin ng dati," tamad na sagot ko rito bago bumuga ng hangin.
Naiiling na umupo ito sa tabi ko. Kahit hindi ako magkwento rito ay sigaurado akong alam na nito ang tinutukoy ko. Sanay na sanay na ito sa akin na palaging sa salon nito tumatambay kapag nag-aaway o may pagtatalo kami ni inay. Wala naman kasi akong ibang mapupuntahan kaya rito ako madalas nagpapalamig ng ulo.
"Alam mo kong ako sayo, aalis na talaga ako sa poder ng mga magulang mo. Palagi na lang pinag-iinitan ng nanay mo ang beauty mo."
Napasim
