Gaya ng araw-araw na buhay ko ay maaga na naman akong gumising para pumasok. At nakasanayan ko na ring hindi kumain sa agahan upang iwasan si inay. Ayokong pumasok palagi na may baong masasakit na mga salita mula sa kanya.
Maging si Rebecca ay maagang pumasok ngayon gayong dati ay medyo late na siya dahil hinahatid pa niya ang kambal pero ngayon ay hindi ko siya mapigilang asarin. Si Calvin, ang manliligaw niya ang naghatid sa mga anak niya. Mukhang nakakaabante na si Calvin mula sa friendzone pero duda akong makakarating siya hanggang sa dulo. Pakiramdam ko sa huli ang ama pa rin ng kambal ang magwawagi. Malakas ang pakiramdam na isa sa mga araw na ito susulpot na iyon dahil nga naniniwala akong ang nangyari rito at kay Rebecca ay hindi lang nagkataon o dahil lang sa alak.
Hindi ako nan
