BILLIE
SIMULA nang umalis si Damian ay hindi pa ito bumabalik. Mayroon lamang pumunta sa aming Villa upang tingnan kung mayroon kaming iba pang kailangan. Pati ang panghalian kanina ay inihatid lamang ng isang staff ng resort.
Noon lamang ako nagkaroon nang pagkakataong tingnan ang hindi pamilyar na bagahe na naroon. Agad kong binuksan iyon at tumambad sa akin ang sandamakmak na damit pangbabae. Kanina pa ako hindi mapakali dahil wala akong dalang damit nang magtungo kami rito kaya ganoon na lamang ang aking gulat nang makita ang mga iyon.
Marahil ay may inutusan lamang si Damian upang mamili ng aking mga damit dahil sa labis naming pagmamadali. Dahil nasa beach kami ay agad kong pinili ang isang long floral maxi dress upang isuot para sa gabing iyon. Hindi ko na muna pinagkaabalahang t
