Sobrang sakit ng katawan ko pagkagising ko kinabukasan. Hindi ko pa masyadong naibubukas ang mga mata ko ay bumungad na sa harapan ko si Jace na nakatingin sa akin.
Kumurap ako at kinusot ang mga mata. Amoy na amoy ko ang pamilyar na pabango niya at doon lang nagkaroon ng pagkakataon na isipin ulit ang itsura niya nang mabungaran ko.
Napadilat ako ulit at inayos ang comforter na nakatakip sa katawan ko. Alam kong wala pa akong suot sa ilalim ng comforter dahil ramdam na ramdam ko ang lamig na nagmumula sa air conditioner.
Nang makita kong bihis na bihis na siya at mukhang ako na lang ang hinihintay na magising ay agad na nag-init ang mga pisngi ko at unti-unting nagtago sa ilalim ng comforter.
Narinig ko ang mahinang halakhak niya at ilang sandali lang ay umuga na ang kama dahil umupo
