Kinaumagahan ay nagising ako at nabungaran kaagad ang mukha ni Jace sa tabi ko. Tulog pa s’ya at nakayakap sa akin kaya agad-agad na nagpanic ako kung paanong aalis sa tabi n’ya na hindi s’ya nagigising!
Hindi pa nagtatagal ang titig ko sa mukha niya ay sunod-sunod na kaagad ang alaala-ala sa mga nangyari sa amin sa nagdaang gabi. Umagang-umaga pa lang at malamig naman ang aircon sa kwarto niya pero pakiramdam ko ay init na init kaagad ako!
Mas lalo akong nagpanic nang makitang gumalaw ang mga mata niya at kunot ang noong kumilos para mas sumiksik pa sa akin. Parang nagbubuhol-buhol ang hininga ko at pilit na kinalma ko ang sarili dahil baka sa sobrang dikit niya sa akin ay maramdaman niya na kabadong-kabado ako.
Nang umungol siya at mas isiniksik ang mukha sa pagitan ng leeg at balikat
