Sabado pa lang ay nakahanda na ang mga gamit ko para sa gagawing paglipat sa boarding house. Balak ko na lumipat na doon ngayong linggo dahil sa pangako ko sa landlady. Maganda at maayos na ang boarding na ‘yon para sa akin kaya kung hahanap pa ako ng iba ay baka mahassle na ako dahil sa pangako ko kay Arnold na magsasideline muna bilang assistant n’ya sa Mijares Trine.
Linggo pa lang ay kabado na ako dahil sa gagawing pag sideline sa Mijares Trine. Ito lang yata ang unang beses na kinabahan ako sa gagawing pagsasideline kaya balisang-balisa ako habang nasa byahe papunta sa boarding house.
At dahil gabi pa ang pasok sa trabaho ng mga makakasama ko sa kwarto ay nakilala ko agad sila nang dumating ako doon bago mananghali. Balak kasi ni Arnold na kumain kami sa labas ngayon para na rin map
