Panay ang bigay sa akin ni Jace ng nagbababalang tingin habang kumakain kami ng lunch. Nag-uusap lang naman kami ng normal pero minsan ay napapatingin siya sa akin ng makahulugan at mukhang pinaparamdam niya sa akin na may malisya ang mga sinasabi ko kaya nagiging defensive ako at napipikon sa kanya.
Mukhang gustong-gusto niya pa naman na nakikitang napipikon ako kaya madalas niyang binibigyan ng malisya ang mga sinasabi ko!
“Ulo, pasok, labas, magaling! Bakit ba lahat na lang ng salitang binabanggit ko ay binibigyan mo ng malisya?” napipikon na namang tanong ko habang pinapanood siyang naghuhugas ng mga pinagkainan namin. Nakita kong naglapat ang mga labi niya at halatang natatawa kaya iniiwas niya ang tingin sa akin. “Kapag talaga babaero, nagiging manyak ang isip!” bubulong-bulong na
