Hindi gano’n kalayo ang Young Bucks Society Building sa Montecarlo Hotel kaya wala pang kalahating oras ay nasa lobby na ako at nag-aabang sa mga kasama ko sa agency na puntahan ako doon. Ang sabi ni Sir Rick ay sa lobby muna ako maghintay dahil iisa lang ang passes na gagamitin naming mga servers sa pagpasok sa event hall ng hotel.
Isa ang Montecarlo Hotel sa pinaka expensive at pinaka malalaking chains of hotels dito sa bansa. Mayaman at malawak ang impluwensya ng Chinese na may-ari ng agency na pinasukan ko dati kaya kahit ang mga ganito kalalaking hotels ay kumukuha sa kanila ng serbisyo.
Hindi naman na ako nagtagal sa lobby at dumating na ang siyam na part timers na makakasama ko ngayong araw. Sabay-sabay kaming pumasok sa isang room at doon nagpalit ng uniform. Babae naman kaming l
