Tahimik na tahimik si Jace sa buong byahe matapos kong banggitin sa kanya ang address ng resort kung saan gaganapin ang team building namin.
Hindi pa rin ako mapakali at pilit pa ring sumisiksik sa isip ang mga sinabi n’ya kanina. Panay tuloy ang lingon ko sa kanya habang nasa byahe kami dahil gustong-gusto kong magtanong sa kanya tungkol doon.
Nasa resort na kami nang bigla akong may napagtanto. Hindi ko alam kung bakit sumagi sa isip ko ang mga sinabi ni Arnold sa akin dati tungkol sa babaeng naging dahilan kung bakit hindi na nag seryoso si Jace sa mga babae.
Ang babaeng iyon ang naging dahilan kung bakit muntik ng masira ang buhay n’ya. At paniguradong iyon din ang dahilan kung bakit gano’n na lang ang inis n’ya noong nalaman n’yang wala pa akong karanasan sa lalaki! Napasinghap ako
