Dahil katuwaan lang naman ang water volleyball na lalaruin naming magkaka-batch ay isang set lang at unahang makarami ng score sa 10 points sa bawat set para sa elimination. Sampu ang nabuong team na merong tig-aapat na member sa isang team. Bawat team na mananalo ay makaka-advance sa next round. Kasama ang team namin sa huling mga teams na maglalaban sa elimination kaya umupo muna kami para manood ng laban ng mga mauunang teams. Katabi ko si Jace sa gawing kanan at katabi naman n’ya ang asawa ni Maymay. Si Maymay ay nakaupo sa kaliwang gilid ko na ang mga mata ay nakatutok sa harapan ng pool at mukhang enjoy na enjoy sa panonood ng mga naglalaro.
“I think we can still win even if we don’t know how to play volleyball…”
Kunot ang noong nilingon ko si Jace nang magsalita s’ya. Nakatuon ang
