Pagkatapos ng jamming ay umalis na siya at nagpaalam sa mga ito. Hinihingi pa nga nila ang contact number if in case, kaso ay wala naman siyang maibigay kaya sinabi niya na baka dumaan na lang ulit siya.
Pagkauwi ng bahay ay naabutan niya si Martin, nakatayo ito sa tapat na gate na yero. Nakalagay ang isang kamay sa bewang habang nakakunot ang noo.
"Anong oras na?" pambungad nito.
"Wala kong dalang relo," pamimilosopo niya. "Hindi ko alam."
Tinalikuran siya nito at saka dire-diretsong pumasok sa loob ng bahay. Napangiti siya. Bukod pala sa gwapo ito kapag nakangiti ay cute rin pala si Martin habang nakasimangot.
Sinarado niya ang gate habang napapailing.
Lalo 'yatang lumalakas ang tama niya para dito. Sana lang ay 'wag umabot sa sobra.
---
Kinabukasan, habang nag-aalmusal ay nakari
