Hindi alam ni Martin kung paano nagsimula ang pagkagusto niya kay Christian.
Noong una ay naawa lang siya dahil nang makita niya ito na bugbog sarado habang nakahandusay sa park. Pinatuloy niya ito sa bahay nila, inalagaan at pinakain. Pinahiram ng mga bagay na pwede niyang ibahagi at tinulungan makahanap ng trabaho.
Naging mas malapit sila sa isa't isa dahil kasama niya itong nakatira sa iisang bubong. Naging open rin siya dito sa pagku-kwento ng ilang bahagi ng buhay niya.
Matapang, maloko, at higit sa lahat... mabait at maalalahanin ang katulad ni Christian.
Akala niya ay parang kapatid lang ang turing niya dito, 'yun bang kasa-kasama niya sa mga lakad niya, hindi babasagin ang mga trip niya-though may kapatid naman siya pero bata pa kasi ang mga ito.
Kung dati ay kapatid at kaibig
