Pinilit ni Mihan na makatulog. Humihilik pa ang katabi niya pero hindi naman siya maarte pagdating sa ganoon. Ang isip niya lang talaga ang may problema dahil hindi niya nakalimutan ang ginawa ni Thiago.
Bakit ba kasi ako apektado sa taong ‘yon?
Kahit sa sarili ay nasura siya. Hindi naman niya kaano-ano ang lalaking iyon pero bakit parang wala sa tamang lugar ang emosyon niya?
Sinong hindi maiinis sa kanya, eh hinalikan nga niya ako tapos may kasama siyang iba kinagabihan? Buwisit siya!
Hindi niya alam kung anong oras na siya nakatulog. Nagising na lang siya nang tinawag ni Trixie ang pangalan niya. Bihis na bihis na ang mga kasama niya at namanguhan na.
“Hoy, Amihan! Hindi ka pa ba gigising diyan? May meeting pa tayo sa agahan kasama sina Kuya Banoy at Logan,” anito sa halatang naiin
