Parang hindi makapaniwala si Thiago sa balita. Alam niyang wala na sa puso niya si Malena pero nang marinig niya mula sa kanyang personal assistant tungkol dito at napansing papaalis na si Mihan ay agad siyang napahawak dito. Animo ay gusto niyang umamot ito ng lakas para sa kanya sa mga sandaling ito. Hindi niya kasi inasahan na marinig ang pangalan ni Malena.
“Camila, ba’t mo pa binanggit sa ‘kin ‘to? Wala akong pakialam kung ano ang nangyayari sa buhay ni Malena!” aniya sa kanilang wika. Nakatiim-bagang ang binata at agad na tinapos ang usapan nang wala man lang paalam.
Bumaling si Thiago kay Mihan na nakatingin sa kanya nang nagtatanong ang mga mata.
“Kailangan kong magbanyo,” tanging saad nito nang hindi siya nagsalita o nagpaliwanag.
Marahan siyang tumango at saka nagbawi ang dal
